Þegar Unnur finnur óvæntan snigil í kálinu breytist venjulegur dagur í skemmtilegt ævintýri. Snúlli snigill verður fljótt besti vinur hennar en þegar hann hverfur hefst dauðaleit á heimilinu. Er möguleiki að litli bróðir Unnar hafi gleypt Snúlla?

Litli gíraffinn Kókó er yfirgefin á gresjunni en vinalegur fíll bjargar lífi hennar. Saman leggja þau af stað í leit að leyndarmáli lífsins sem leynist í töfrakistu. Á leiðinni hitta þau fleiri dýr og þá fyrst reynir á vináttu og traust.

Þegar Kolfinna og Þorlákur Helgi koma auga á pínulitla rauða mús í sumarbústaðnum hefst dularfullt ævintýri í snjónum. En þegar grimmur fálki hrifsar músina á brott þurfa systkinin að halda í vonina en veturinn getur verið kaldur og grimmur.